ដោយទទួលបានការណែនាំដ៏ខ្ពង់ខ្ពស់ពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នាថ្ងៃទី១១ ខែមករា ឆ្នាំ២០២៥ លោកជំទាវបណ្ឌិត អ៊ុក ម៉ាលី សមាជិកាគណៈកម្មការទី២ ព្រឹទ្ធសភា បានអញ្ជេីញនាំយកទេយ្យវត្ថុ គ្រឿងអត្ថបរិក្ខារ និងបច្ច័យមួយចំនួន វេរប្រគេន សម្ដេចព្រះមហាអរិយវង្សបណ្ឌិត យ៉ន សេង យៀត ព្រះចៅអធិការវត្តឧណ្ណាលោម ដើម្បីប្រគេនព្រះភិក្ខុសង្ឃ និងសាមណសង្ឃជាច្រើនរយអង្គ គង់នៅវត្តឧណ្ណាលោម។
ក្នុងឱកាសនោះ លោកជំទាវបណ្ឌិត បាននាំយកបច្ច័យ និងទេយ្យវត្ថុរបស់សម្តេចកិត្តិព្រឹទ្ធបណ្ឌិត រួមមាន៖ អង្ករ ១០តោន ត្រីខ ៥កេសធំ មី ២០កេស ទឹក Ensure ៥កេស ទឹកត្រចៀកកាំ ១កន្ដ្រក ទឹកផ្លែឈើ ១កន្ដ្រក ត្រីងៀត ១កន្ដ្រក សាច់ក្រក ១កន្ដ្រក កាហ្វេ ៤០កញ្ចប់ធំទឹកសុទ្ធ ១០កេស ទឹកក្រូច ១០កេស ទឹកដោះខាប់ ទឹកគោឆៅ និងសាដក ចំនួន ៣ឈុត រួមទាំងបច្ច័យមួយចំនួនទៀត វេរប្រគេនព្រះចៅអធិការវត្ត និងព្រះសង្ឃចំនួន ២អង្គទៀត។
